-
WOLKOM YN AKKRUM
UNTDEK DIT DOARPKE YN DE GEMEENTE HEARRENFEAN
Akkrum leit, tusken It Hearrenfean en Ljouwert, metien oan it spoar en oan de autosneldyk A32. Nearne wurdt it útsicht fersteurd troch yndustry of stedske drokte. Yn plak dêrfan langrutsen greiden, bloeiende bermen, karakteristike buorkerijen en prachtige natuergebieten. Akkrum is in gesellich en libben doarp yn midden-Fryslân. Akkrum leit oan it begjin fan de Turfrûte en hat foar de wettersport ideale mooglikheden. Yn Akkrum binne der ek gesellige kroechjes, restaurants, leuke winkeltsjes en prachtige gebouwen, en Akkrum hat in warber ferieningslibben.
-
Belibje Akkrum
Alles watst sikest om dy hinne
Yn Akkrum binne moaie bysûnderheden te sjen en oare toeristyske plakken te finen. As je Akkrum fia de Ljouwerterdyk ynkomme, dan wurdt de oandacht metien lutsen troch it monumintale pand Coopersburg. Coopersburg is rûn 1900 boud en hat syn namme te tankjen oan Folkert Harmen Kuipers. Folkert Harmen Kuipers is op 22-jierrige leeftyd nei de Feriene Steaten emigrearre. Dêr waard er in ryk sakeman. Tidens ien fan syn earste jierlikse besites oan syn âlden foel him de earmoed ûnder de Akkrumse befolking op en hy rôp dêrom in stichting yn it libben. Deze stichting hie ta doel de earmen ûnderdak en fersoarging te jaan. Om’t Kuipers syn namme yn de Feriene Steaten omdoopt hie ta Cooper, krige it gebou de namme Coopersburg.
