Untdek en belibje Fryslân
-
kuierje
Slow living: in wiere keunst. En we wolle net opskeppe ofsa, mar wy kinne dat. Friezen dogge alles nammentlik krékt efkes oars. Krekt efkes wat relakster, logysker en nofliker. Wat eigensinniger ek, en wat stadiger miskien, mar ek wis wat frijer! We dogge sa’n bytsje alles hast itselde as de rest fan Nederlân, mar dochs meitsje al dy lytse ‘krekt-oarsen’ meiinoar Fryslân folslein oars.
Dêrom is ús karakter ek sa ûngrypber foar in soad Nederlanners. Dêrom is Escher net samar in keunstner, Doutzen net samar in model en Sven net samar in reedrider. De rest fan Nederlân kin ús en ús fratsen mar lestich definiearje, om’t wy dingen no ienkear op ús wize dogge. Mar jou ús eefkes en we litte dy sjen hoe leuk it is om te libjen as in Fries.
-
Wetterlân
Fryslân
Beekjes, rivieren, fearten, dobben, baggersleatten en grêften. Yn Fryslân hawwe we mear wurden foar de wetters as foar bôle. Logysk; we hawwe der al iuwen mei te krijen. We ferdreaunen de see, befearnen de fearten, fierljepten oer sleatten en bouden terpen foar ‘drûgefuottengarânsje’.
-
woudagemaal
woudagemaal
-
fryske wetter
fryske wetter
-
afsluitdijk (NL)
afsluitdijk (NL)
-
De Alve Stêden
De ien is bekender as de oare, mar elk fan de alve stêden hat syn eigen sjarmes en toeristyske lokkers. En foar wa’t se allegearre sjen wol binne der prachtige rûtes mei de fyts, auto, boat of geandefoets.
-
11fountains (NL)
11fountains (NL)
-
alvestêdenrûtes (NL)
alvestêdenrûtes (NL)
-
It Waad
Flylân, Skylge, Skiermûntseach en It Amelân. Fjouwer prachtige eilannen foar de kust fan Fryslân, wêr’st hielendal ta rêst komst en genietsje kinst fan it wiere eilângefoel. Lear de Waadeilannen kennen en gean sels op ûntdekking.
