Dokkum
-
Hop on hop off
-
Aansichtkaart
-
Rychjeshûs
De lêste stêd fan de Alvestêdetocht, Dokkum. Dizze stêd stiet bekend as in winkelstêd, mar hat ek in tige histoaryske binnestêd. Mei mar leafst 140 ryksmonuminten is der fan alles te sjen yn dizze stêd. Boppedat komt hjir de Beerenburg wei, dy moatst priuwe!
Dokkum is de stêd wêr’t Bonifatius yn it jier 754 fermoarde waard. Yn 1298 krige Dokkum, nei Starum, Drylts en Harns, de Fryske stedsrjochten. Fan de rike histoarje is noch in soad werom te sjen yn Dokkum. Yn kombinaasje mei de gesellichheid en it wetter dat om de stêd hinne leit, is dizze stêd wis in besyk wurdich.
-
De Admiraliteitsdagen
Dokkum waard yn 1596 it earste fêstigingsplak fan de Fryske admiraliteit. Dit wurdt fierd mei in jierliks evenemint yn it earste wykein fan septimber, wêrby’t alderhande aspekten byinoar komme: maritym, kulinêr, histoarje, kultuer, gastfrijens en gesellichheid. In feest dat trije dagen lang tûzenen minsken nei it âlde admiraliteitsstedsje lûkt.
