Skylge

Skylge is it middelste eilân fan de Waadeilannen en brûst fan de eveneminten. Kinst der genietsje fan festivals lykas Oerol, de prachtige natuer én it breedste strân fan Europa. Komst ek?

IT EILÂN

SKYLGE

Skylge is nei Teksel it grutste eilân fan de fiif Waadeilannen. De strânlingte is ûngefear 30 kilometer en der is mear as 350 kilometer oan fyts- en kuierpaden. Krekt as op de oare eilannen is it toerisme in wichtige boarne fan ynkomsten. Yn ‘e simmer komme alle jierren trije kear safolle minsken op it eilân as yn ‘e winter.

Adrenaline

Bist op syk nei in útdaagjende fakânsje? Dan is Skylge it perfekte plak. De Waadsee biedt tige goede wettersportmooglikheden foar (kite)surfers en wynsurfers en de echte spanningsiker kin de striid mei de weagen oangean tidens it coastraften en kanofarren yn ‘e brâning. Leaver de kick fan it Waad ûnderfine op it strân? Meitsje dan ris kennis mei powerkiten, bootcamp, pylk- en bôgesjitten of ien fan de oare strânsporten.

OEROL

Skylge brûst fan de eveneminten en festivals yn de simmermoannen. Oerol is lichtwol it meast bekende evenemint fan it eilân. Dit alle jierren weromkommende festival bestiet út foarstellingen, muzykoptredens en strjitteater en ûnderstreket de kombinaasje fan natuer en kultuer.

Kultuer

Tidens dyn besyk oan Skylge mei in stikje kultuer net ûntbrekke. Untdek ‘Typysk Skylge’ troch in besykje te bringen oan ien fan de biologyske buorkerijen op it eilân, of ûntdek de skiednis fan it eilân by de histoaryske bunkers. Leaver it eilân ûntdekke op kulinêr mêd? Sjoch dan ris by de fiskrikkerij, cranberrybuorkerij of de waadpriuwerij en priuw alle hearlike streekprodukten.